Галоўчанка анансаваў “перадсерыйныя выпрабаванні” айчыннага электрамабіля
27 верасня, Позірк. У Беларусі “ўжо вельмі блізка падышлі да стадыі перадсерыйных выпрабаванняў” айчыннага электрамабіля, заявіў прэм’ер-міністр Раман Галоўчанка 27 верасня падчас наведвання завода “БелДжы”.
Відэафрагмент яго каментара апублікавала прэс-служба ўрада.
“За мінулы год прагрэс дасягнуты досыць вялікі і нашымі навукоўцамі, і вытворцамі”, — сказаў Галоўчанка.
Паводле сцвярджэння прэм’ера, цяпер неабходна вырашыць “тэхнічна вельмі сур’ёзную задачу па засваенні вытворчасці найбольш ёмістых элементаў або сістэм электрамабіля”: “Гэта інвертар, цягавы рухавік і батарэя. Плюс да ўсяго гэтага ёсць яшчэ праграмна-апаратны комплекс, які кіруе ў цэлым усёй электронікай аўтамабіляў. Да яго яшчэ пакуль толькі падыходзім. Але калі будуць выведзеныя на стадыю серыйнай вытворчасці вось гэтыя элементы з нейкімі даданнямі імпартных, тады можна ўжо будзе, не саромеючыся, называць гэты электрамабіль айчынным”.
Калі названыя вузлы пройдуць усе выпрабаванні і будзе пацверджана іх эфектыўнасць, наступным этапам стане “эканамічная эфектыўнасць вытворчасці”, сказаў Галоўчанка.
“У невялікіх колькасцях мы можам іх, умоўна кажучы, уручную дзесьці вырабіць, але для серыйнай вытворчасці гэтых элементаў, трэба будзе казаць аб рэалізацыі ўжо новых вытворчых інвестыцыйных праектаў па стварэнні магутнасцяў для іх серыйнай вытворчасці. Гэта не вельмі просты працэс”, — дадаў ён.
У жніўні дырэктар СЗАТ “БелДжы” Генадзь Свідзерскі паведаміў, што выпрабаванні доследных партый айчыннага электрамабіля плануюцца ў снежні, пасля гэтага будуць дадзеныя “тэхніка-камерцыйныя заключэнні для магчымасці серыйнай вытворчасці”.
“Ідэя стварэння беларускага электрамабіля з’явілася пасля куплі ліцэнзіі, якая дала доступ да пэўнай дакументацыі, — адзначыў ён. —Платформа будзе вырабляцца на канвееры серыйнага завода “БелДжы” па дакументацыі электрамабіля, распрацаванай у Акадэміі навук”.
Паводле яго слоў, пасля атрымання прамысловых узораў у канцы года можна будзе казаць аб камерцыйных і тэхнічных перспектывах развіцця гэтага кірунку.
- Грамадства
- Грамадства, ПалітыкаЛітва зафіксавала рэкордную за апошнія восем тыдняў колькасць спробаў парушэння мяжы з беларускага бокуМатэрыял даступны толькі падпісчыкам ПОЗІРК+
- Грамадства, ПалітыкаАмаль чвэрць мільёна беларусаў звярнуліся па дазвол на знаходжанне ў ПольшчыМатэрыял даступны толькі падпісчыкам ПОЗІРК+
- Грамадства, ПалітыкаАмаль чвэрць мільёна беларусаў звярнуліся па дазвол на знаходжанне ў Польшчы (падрабязна)Матэрыял даступны толькі падпісчыкам ПОЗІРК+
- Грамадства
- Грамадства
- Палітыка
- Палітыка
- Грамадства, ПалітыкаХроніка палітычных рэпрэсій за 20 снежня 2024 годаМатэрыял даступны толькі падпісчыкам ПОЗІРК+
- Палітыка
- Палітыка
- Палітыка
- Эканоміка
- Палітыка
- Палітыка
- Грамадства
- Палітыка
- Палітыка
- Выбары, Палітыка
- Грамадства, Палітыка
- Грамадства, Палітыка
- Грамадства, Палітыка
- Эканоміка
- Палітыка, Эканоміка
- Выбары, Палітыка
- Грамадства
- Эканоміка
- ЭканомікаІнвестыцыі ў асноўны капітал за 11 месяцаў 2024 года выраслі на 23,7% (падрабязна)Матэрыял даступны толькі падпісчыкам ПОЗІРК+
- Грамадства