Трох беларусаў будуць судзіць у Харватыі за перавозку нелегальных мігрантаў
11 сакавіка, Позірк. Пракуратура Харватыі накіравала ў акружны суд Рыекі крымінальную справу грамадзян Беларусі 1999, 1989 і 1994 гадоў нараджэння, якіх абвінавачваюць у перавозцы не менш за 20 нелегальных мігрантаў, паведамляе прэс-служба ведамства.
Адзначаецца, што беларусам інкрымінуюць дзеянні ў складзе арганізаванай групы ў кастрычніку і лістападзе 2024 года на тэрыторыі трох рэгіёнаў Харватыі. За перавозку мігрантаў яны атрымлівалі матэрыяльнае ўзнагароджанне — па 200 еўра за адну паездку.
Паводле матэрыялаў справы, нелегалаў абвінавачаныя дастаўлялі да мяжы са Славеніяй і Італіяй.
Таксама паведамляецца, што мужчыны пражывалі ў Заграбе без рэгістрацыі.
У Польшчы за перавозку нелегальных мігрантаў будуць судзіць 34-гадовага беларуса
18 лютага, Позірк. Пракуратура Владаўскага павята (Люблінскае ваяводства) перадала ў суд матэрыялы крымінальнай справы ў дачыненні да двух замежнікаў, якія абвінавачваюцца ў перавозцы нелегальных мігрантаў. Паведамляецца, што гаворка ідзе пра 34-гадовага грамадзяніна Беларусі Івана Б. і 51-гадовага грамадзяніна Украіны Аляксея …
