За першую дэкаду лістапада ў Беларусі патанула шэсць чалавек

11 лістапада, Позірк. Дзве жанчыны і чацвёра мужчыны патанула ў Беларусі з 1 па 10 лістапада 2024 года, вынікае з праведзенага “Позіркам” маніторынгу сутачных зводак Міністэрства па надзвычайных сітуацыях.

Трое загінулых выяўлена ў Гродзенскай вобласці. 8 лістапада ў меліярацыйным канале ў вёсцы Гуды (Лідскі раён) патануў мужчына (1954 год нараджэння), 10-га — дзве жанчыны: у возеры Баклаха ў гарадскім пасёлку Краснасельскі (Ваўкавыскі раён) — яе асоба высвятляецца, і ў пітным калодзежы (глыбіня 20 м, дыяметр 1 м) у Воранаве (1970).

Трое мужчын загінулі ў вадаёмах: 3 лістапада — у вёсцы Студзянец (Касцюковіцкі раён Магілёўскай вобласці), 4-га — у Іванаве (Брэсцкая вобласць), 8-га — вёсцы Хвошна (Гарадоцкі раён Віцебскай вобласці). Загінулыя былі адпаведна 1950-га, 1959-га і 1981-га г.н.

Паводле даных Таварыстава ратавання на водах (ТРВОД) на 14 кастрычніка, з пачатку года ў краіне патанула 311 чалавек, у тым ліку 20 непаўналетніх (у мінулым годзе — 311, 19 непаўналетніх).

Пры купанні патанула 97 (+31% да мінулага года), пры падзенні ў ваду — 147 (+47%). З агульнай колькасці патанулых 161 чалавек знаходзіўся ў стане алкагольнага ап’янення.

Непасрэдна ў перыяд купальнага сезона патанула 249 чалавек, выратавана — 169, з іх — 47 непаўналетніх.