Курс долара трэці дзень запар абнаўляе гадавы максімум

13 лістапада, Позірк. Амерыканская і кітайская валюты падаражэлі на таргах Беларускай валютна-фондавай біржы 13 лістапада.

Курс долара вырас да 3,3526 рубля (+0,0044; +0,13%). Гэта новы гадавы максімум. Папярэдні быў устаноўлены 12 лістапада — 3,3482, 11 лістапада долара падаражэў да 3,3407 рубля.

Юань падаражэў да 4,6439 рубля за 10 (+0,0033; +0,07%)

Каціроўка расійскага рубля знізілася да 3,4203 рубля за 100 (-0,0005; -0,01%), еўра — да 3,5805 рубля (-0,0153; -0,43%).

На мінулым скарочаным працоўным тыдні (4–6 лістапада) долар падаражэў на 0,33% (з 3,3203 да 3,3312), еўра — на 0,6% (з 3,6216 да 3,6435), юань — на 0,55% (з 4,6717 да 4,6976 за 10); расійскі рубель патаннеў на 0,12% (з 3,4239 да 3,4197 за 100).

Афіцыйны курс долара ў Беларусі ў студзені знізіўся на 0,01% (з 3,1775 да 3,1771 рубля) — гэта быў шосты паказчык на тэрыторыі былога СССР; у лютым — вырас на 1,95% (да 3,2391) — другое месца пасля Расіі (+2,89%), за два месяцы — на 1,94% (шостае месца); у сакавіку — на 0,33% (да 3,2498) — пятае месца, за тры месяцы — на 2,28% (трэцяе); у красавіку — на 0,14% (да 3,2542) — шостае месца, за чатыры месяцы — на 2,41%; у маі — знізіўся на 1,48% (да 3,2059) — трэцяе месца, за пяць месяцаў — вырас на 0,89% (восьмае).

У чэрвені долар патаннеў на 1,36% (да 3,1624) — трэцяе месца, паводле вынікаў першага паўгоддзя — на 0,48% (пятае месца); у ліпені — на 0,87% (да 3,1349) — сёмае месца, за сем месяцаў — на 1,34% (пятае), у жніўні — вырас на 1,55% (да 3,1834) — другое месца, за восем месяцаў — на 0,19% (пятае), у верасні — на 0,88% (да 3,2113 рубля) — трэцяе месца, за дзевяць месяцаў — на 1,06% (шостае), у кастрычніку — на 3,34% (да 3,3185 рубля) — трэцяе месца, за дзесяць месяцаў — на 4,44% (чацвёртае).

За 2023 год каціроўка долара павялічылася на 16,12% (з 2,7364 да 3,1775 рубля). Гэта другі паказчык на постсавецкай прасторы, сведчыць праведзены “Позіркам” параўнальны аналіз каціровак цэнтрабанкаў на 31 снежня 2022 года і 31 снежня 2023-га. На першым месцы Расія — 27,51% (з 70,3375 да 89,6883 рубля).