Пагалоўе буйной рагатай жывёлы скарачаецца ва ўсіх рэгіёнах Беларусі

1 снежня, Позірк. Ва ўсіх рэгіёнах Беларусі па выніках студзеня — кастрычніка 2024 года адзначана зніжэнне пагалоўя буйной рагатай жывёлы (БРЖ: каровы, быкі і інш.) да аналагічнага перыяду 2023-га, сведчыць праведзены “Позіркам” аналіз даных Нацыянальнага статыстычнага камітэта.

На 1 лістапада ў Брэсцкай вобласці пагалоўе складала 854.686 (па выніках дзесяці месяцаў 2023-га — 873.191; -2,1%), Віцебскай — 490.939 (503.718; -2,5%), Гомельскай — 596.026 (611.696; -2,6%), Гродзенскай — 681.483 (698.360; -2,4%), Мінскай — 911.388 (944.309; -2,9%), Магілёўскай — 493.327 (517.486; -4,7%).

За 29 гадоў у Беларусі пагалоўе буйной рагатай жывёлы знізілася на 22,3% (пачатак 2024-га да пачатку 1995-га).

На 1 студзеня 1995 года яно складала 5 млн 403,3 тыс., на 1 студзеня 2024-га — 4 млн 197,3 тыс.

Падрабязнасці даступныя падпісчыкам “Позірк+”