Урад увёў ліцэнзаванне на вываз бульбы — яе сабрана ў паўтара раза менш, чым летась

12 снежня, Позірк. Урад на тры месяцы ўвёў ліцэнзаванне на вываз за межы Беларусі бульбы, адпаведную пастанову падпісаў 12 снежня прэм’ер-міністр Раман Галоўчанка.
Як паведамляе прэс-служба ўрада, пастанова прынятая “ў мэтах забеспячэння ў міжсезонны перыяд унутранага рынку сельскагаспадарчай прадукцыяй у поўным аб’ёме”.
“Вываз гэтай прадукцыі незалежна ад краіны паходжання за межы Рэспублікі Беларусь будзе ажыццяўляцца па разавых ліцэнзіях, якія выдаюцца Міністэрствам антыманапольнага рэгулявання і гандлю па ўзгадненні з Мінсельгасхарчам, аблвыканкамамі і Мінскім гарвыканкамам”, — гаворыцца ў паведамленні.
Удакладняецца, што рашэнні аб выдачы ліцэнзій будуць прымацца “ўпаўнаважанымі органамі, зыходзячы з ацэнкі суадносін свабодных рэсурсаў гэтай прадукцыі ў Рэспубліцы Беларусь і патрэбы краіны ў ёй на момант узгаднення ліцэнзіі”.
Паводле звестак Белстата, на 1 лістапада 2024 года ў Беларусі было сабрана 534,8 тыс. тон бульбы пры сярэдняй ураджайнасці 302 цэнтнеры з гектара. Пры гэтым на аналагічную дату 2023-га было накапана 827,2 тыс. тон пры сярэдняй ураджайнасці 358 ц/га.
Такім чынам, агульны ўраджай бульбы знізіўся ў 1,55 разы.
Амаль у 1,5 раза (на 49,06%) выраслі цэны на бульбу ў Беларусі ў студзені — кастрычніку 2024 года.
10 кастрычніка стала вядома, што ў Беларусі на тры месяцы ўведзена ліцэнзаванне на вываз за межы краіны белакачаннай капусты, яблыкаў і цыбулі рэпчатай.
Сцвярджалася, што дакумент падпісаны “ў мэтах забеспячэння ўнутранага рынку сельскагаспадарчай прадукцыяй у міжсезонны перыяд у поўным аб’ёме”.
8 кастрычніка ўрад падоўжыў на чарговыя паўгода ліцэнзаванне вывазу з Беларусі збожжавых.
- Грамадства
- Грамадства, ПалітыкаЗа гладкай афіцыйнай рыторыкай Ватыкана адносна Беларусі магло хавацца напружанне — эксперт (падрабязна)Матэрыял даступны толькі падпісчыкам ПОЗІРК+
- Грамадства
- ГрамадстваНа пачатак 2025 года ў зонах радыеактыўнага забруджвання пражывала 930 тыс. чалавек — ДзяржатамнаглядМатэрыял даступны толькі падпісчыкам ПОЗІРК+
- Эканоміка
- Эканоміка
- ЭканомікаЗ прыходам ядзерных тэхналогій у Беларусі пачалі ўкараняць нарматыўную базу РФ — Дзяржатамнагляд (падрабязна)Матэрыял даступны толькі падпісчыкам ПОЗІРК+
- Грамадства, Палітыка
- Грамадства
- Палітыка
- Грамадства
- Грамадства
- ГрамадстваЗа апошнія пяць дзён на беларускіх метэастанцыях абноўлена больш за 200 тэмпературных рэкордаў (падрабязна)Матэрыял даступны толькі падпісчыкам ПОЗІРК+
- Грамадства
- Грамадства, Палітыка
- Грамадства
- Грамадства
- Грамадства
- Эканоміка
- Эканоміка
- Эканоміка
- Грамадства
- Грамадства
- Палітыка
- Грамадства, Палітыка
- Грамадства
- Эканоміка
- ЭканомікаБеларускім прадпрыемствам больш за астатніх вінныя партнёры з РФ — БелГППМатэрыял даступны толькі падпісчыкам ПОЗІРК+
- Грамадства, Палітыка
- ГрамадстваЗа пяць гадоў наклад газет у Беларусі зменшыўся амаль на 40% — даныя БелстатаМатэрыял даступны толькі падпісчыкам ПОЗІРК+