Беларусь і РФ падпісалі пагадненне аб парадку ўзаемнага выканання судовых пастаноў

19 снежня, Позірк. Пагадненне аб парадку ўзаемнага выканання судовых пастаноў падпісана на пасяджэнні аб’яднанай калегіі міністэрстваў юстыцыі Расіі і Беларусі 18 снежня ў Маскве.

Згодна з дакументам, акты судоў агульнай юрысдыкцыі аб спагнанні даўгоў будуць узаемна выконвацца дзвюма краінамі, паведамляе прэс-служба Мінюста РФ.

“Пагадненне (…) істотна пашырае спрошчаны рэжым ўзаемнага выканання судовых актаў, распаўсюджваючы яго на акты судоў агульнай юрысдыкцыі, якія прадугледжваюць абавязацельствы даўжніка па выплаце на карысць спагнанніка грашовых сродкаў, (…) прадугледжвае дакладныя гарантыі захавання правоў спагнанніка і даўжніка”, — адзначыў міністр юстыцыі РФ Канстанцін Чуйчанка.

Таксама бакі “абмеркавалі ход выканання асноўных напрамкаў рэалізацыі палажэнняў Дагавора аб стварэнні Саюзнай дзяржавы на 2024-2026 гады, разгледзелі прапановы па гарманізацыі заканадаўства аб выканаўчым вядзенні, у тым ліку па ўніфікацыі падыходаў да звароту спагнання на маёмасць даўжнікоў — юрыдычных асоб, а намецілі далейшыя крокі па наданні прававой дапамогі па грамадзянскіх, гаспадарчых справах у электронным выглядзе”.

“Асаблівая ўвага” была ўдзеленая “праблемным пытанням у галіне двухбаковага выканання выканаўчых дакументаў”. Размова таксама ішла аб супрацоўніцтве ў сферы натарыята.