25 студзеня, Позірк. Перад асноўным днём галасавання на мерапрыемстве, якое афіцыйны Мінск называе “прэзідэнцкімі выбарамі”, у інтэрнэце пачалі актыўна распаўсюджваць фэйкавы відэазапіс пра “сыход” беларускага дэмакратычнага лідара Святланы Ціханоўскай і “перадачу паўнамоцтваў” Паўлу Латушку.
Першакрыніцай запісу, створанага, верагодна, пры дапамозе штучнага інтэлекту, паслужыў тэлеграм-канал, які мімікруе пад афіцыйны рэсурс Ціханоўскай. Падробку сярод іншага выдае імя, якое адрозніваецца ад афіцыйнага, — @tsikhanoyskaya замест @tsikhanouskaya.
Відэазапіс стаў актыўна прасоўвацца ў тым ліку ў тэлеграм-каналах беларускіх дыяспар.
Галоўны дарадца палітыка Франак Вячорка пацвердзіў “Позірку”, што ні пра што падобнае Ціханоўская не заяўляла.
Аўтарызавацца
Забыліся пароль?
Выхад з профілю
