Ціханоўская спадзяецца сустрэцца з Палінай Шарэнда-Панасюк

6 лютага, Позірк. Вітаючы вызваленне і прыезд у Вільнюс былой палітзняволенай актывісткі Паліны Шарэнда-Панасюк, дэмакратычны лідар Святлана Ціханоўская выказала надзею на хуткую сустрэчу з ёй, вынікае з відэа, якое апублікавала прэс-служба палтыка

“Калі я пачула вашыя першыя словы ў Вільні, калі вы выйшлі з цягніка, вельмі расчулілася. Бо гэтае “Жыве Беларусь!” — натхненне для нас усіх. І напамін, што свабода пачынаецца з людзей. Такіх жа цудоўных і нязломных беларусаў, як вы”, — сказала Ціханоўская.

Паліна Шарэнда-Панасюк вызвалілася 1 лютага і 6 лютага была эвакуяваная ў Літву.