Каля сотні чалавек загінула на пажарах у Беларусі з пачатку года

8 лютага, Позірк. За мінулыя дзяжурныя суткі (з 6:00 7 лютага па 6:00 8 лютага) на пажарах у Беларусі загінула тры чалавекі, сведчыць аператыўная зводка Міністэрства па надзвычайных сітуацыях.

Адзін трагічны выпадак адбыўся ўвечары у Брэсцкай вобласці — у агні загінуў гаспадар жылога дома ў вёсцы Добры Бор (Баранавіцкі раён).

Яшчэ два зафіксаваныя ў Магілёўскай вобласці — у Магілёве і Бабруйску. Падрабязнасцяў няма.

Ад пачатку года ў Беларусі адбылося 670 пажараў — на 1,8% больш, чым за аналагічны перыяд 2024-га (658). Загінула 97 чалавек (+6,6%; 91), траўмавана — 55 (-9,8%; 61).