Курсы долара і расійскага рубля выраслі на першых таргах тыдня

24 лютага, Позірк. Амерыканская і расійская валюты падаражэлі на таргах Беларускай валютна-фондавай біржы 24 лютага 2025 года.

Каціроўка долара вырасла да 3,2078 рубля (+0,0007; +0,02%), расійскага рубля — да 3,5717 рубля за 100 (+0,0048; +0,13%).

Юань патаннеў да 4,3607 рубля за 10 (-0,0033; -0,08%).

Таргі еўра не праводзіліся. 20 лютага ён завяршыў сесію на адзнацы 3,35 рубля (-0,046; -1,35%)

На мінулым працоўным тыдні (17–21 лютага) долар патаннеў на 1,72% (з 3,2633 да 3,2071 рубля), еўра — на 1,07% (з 3,3862 да 3,35), юань — на 1,68% (з 4,4364); расійскі рубель падаражэў на 0,78% (з 3,5393 да 3,5669 за 100).

На 1,73% (з 3,4735 да 3,4134 рублі) знізіўся афіцыйны курс долара ў Беларусі ў студзені. Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2024 года і 31 студзеня 2025-га. На першым месцы Расія, дзе долар афіцыйна патаннеў на 3,61% (са 101,6797 да 98,0062 рубля).

Аналіз таксама паказаў, што афіцыйны курс долара ў Беларусі ў 2024 годзе вырас на 9,32% (з 3,1775 да 3,4735 рублі). Гэта чацвёрты паказчык на тэрыторыі былога СССР.

У 2023 годзе ў Беларусі было другое месца паводле росту афіцыйнага курсу долара (+16,12%), у 2022-м — трэцяе (+7,39%), у 2021-м — чацвёртае сярод краін на тэрыторыі былога СССР, дзе долар патаннеў (-1,19%), у 2020-м — першае месца.