Праз месяц пасля падвядзення вынікаў “выбараў” Лукашэнка атрымаў віншаванні ад кіраўнікоў чатырох дзяржаў
6 сакавіка, Позірк. Прэзідэнты Інданезіі, Уганды, Філіпін і Чада павіншавалі Аляксандра Лукашэнку “з перавыбраннем на пасаду прэзідэнта Рэспублікі Беларусь”, паведаміла 6 сакавіка прэс-служба адрасата.
Пра гэтыя віншаванні стала вядома праз 31 дзень пасля таго, як Цэнтрвыбаркам 3 лютага абвясціў Лукашэнку пераможцам электаральнага мерапрыемства, якое прайшло 26 студзеня.
Па стане на 6 сакавіка віншаванні з “перавыбраннем” Лукашэнка атрымаў ад кіраўнікоў дзяржаў і ўрадаў 41 краіны: Азербайджана, Алжыра, Бахрэйна, Босніі і Герцагавіны, Венесуэлы, В’етнама, Ганы, Грузіі, Зімбабвэ, Індыі, Інданезіі, Ірана, Казахстана, Катара, Кеніі, Кітая, КНДР, Кубы, Кыргызстана, Лаоса, Манголіі, Нігерыі, Нікарагуа, ААЭ, Амана, Пакістана, Расіі, Саудаўскай Аравіі, Сербіі, Таджыкістана, Тайланда, Туркменістана, Турцыі, Уганды, Узбекістана, Філіпін, Чада, Шры-Ланкі, Эквадора, Экватарыяльнай Гвінеі і Эсваціні.
Аб непрызнанні вынікаў прэзідэнцкіх выбараў 26 студзеня ў той ці іншай форме заявіла 40 краін: Аўстралія, Аўстрыя, Албанія, Андора, Бельгія, Балгарыя, Вялікабрытанія, Германія, Грэцыя, Данія, Ірландыя, Ісландыя, Іспанія, Італія, Канада, Кіпр, Латвія, Літва, Ліхтэнштэйн, Люксембург, Мальта, Малдова, Нідэрланды, Новая Зеландыя, Нарвегія, Польшча, Партугалія, Румынія, Сан-Марына, Паўночная Македонія, Славенія, Украіна, Фінляндыя, Францыя, Харватыя, Чарнагорыя, Чэхія, Швейцарыя, Швецыя і Эстонія.
