За дачыненне да “экстрэмісцкіх фарміраванняў” асуджана не менш за 258 чалавек — “Вясна”
27 сакавіка, Позірк. Камітэт дзяржбяспекі і Міністарства ўнутраных спраў на 27 сакавіка 2025 года прызналі “экстрэмісцкімі фарміраваннямі” 269 груп грамадзян, паведамляе праваабарончы цэнтр “Вясна”.
Паводле даных праваабаронцаў, у рамках крымінальных спраў, узбуджаных паводле арт. 3611 КК (стварэнне экстрэмісцкага фарміравання альбо ўдзел у ім) асуджана не менш за 258 чалавек, 58 з іх — завочна.
Адзначаецца, што прыгаворы вынесеныя ў дачыненні да 22 журналістаў, 11 блогераў, шасці юрыстаў і адвакатаў, 24 актывістаў, 10 былых сілавікоў, 31 палітыка, 19 дзеячаў культуры.
“Сярод асуджаных — 41 жанчына. 36 чалавек асуджаныя за “ўдзел у экстрэмісцкім фарміраванні” за падтрымку Украіны ў вайне”, — гаворыцца ў паведамленні.
Звяртаецца ўвага, што першы прыгавор паводле згаданага артыкула (у спалучэнні з іншымі) быў вынесены 6 верасня 2021 года палітыку Марыі Калеснікавай (11 гадоў зняволення) і адвакату Максіму Знаку (10).
Праваабаронцы адзначаюць, што арт. 3611 быў уведзены ў Крымінальны кодэкс у 2016 годзе з фармулёўкай “стварэнне экстрэмісцкага фарміравання, кіраванне ім або яго структурнай адзінкай”.
Шырокае прымяненне такая форма палітычнага пераследу аатрымала пасля падзей 2020 года.
За "заклікі да санкцый" асуджана не менш за 188 чалавек — “Вясна”
7 сакавіка, Позірк. Не менш за 188 чалавек асуджана ў Беларусі паводле арт. 361 Крымінальнага кодэкса (заклікі да мер абмежавальнага характару (санкцый), іншых дзеянняў, накіраваных на нанясенне шкоды нацыянальнай бяспецы), паведамляе праваабарончы цэнтр “Вясна”. “Калі да пачатку 2023 года паволе …