Банкі за месяц павялічылі прыбытак амаль на 60% — даныя рэгулятара
1 ліпеня, Позірк. Прыбытак банкаў, якія працуюць у Беларусі, на 1 чэрвеня 2025 года склаў 1 млрд 787,5 млн рублёў — на 56,6% больш, чым месяцам раней (1 млрд 141,1 млн), і на 27,9% больш, чым на тую ж дату 2024 года (1 млрд 397,1 млн), сведчыць праведзены “Позіркам” аналіз даных Нацыянальнага банка.
На 1 чэрвеня 2025 года ў Беларусі быў зарэгістраваны 21 банк (тры з іх — са 100-працэнтным замежным удзелам). Іх статутны капітал — 10 млрд 360,5 млн рублёў (+2,5% за месяц і +13% у гадавым выражэнні).
