Беларусь заняла пятае месца па росце спажывецкіх цэн у першым квартале 2025 года на тэрыторыі былога СССР, абагнаўшы Расію
20 красавіка, Позірк. Беларусь з паказчыкам 2,79% заняла пятае месца па росце спажывецкіх цэн у першым квартале 2025 года на тэрыторыі былога СССР, сведчыць праведзены “Позіркам“ аналіз даных нацыянальных органаў статыстыкі.
У першай чацвёрцы: Казахстан (3,9%), Малдова (3,68%), Украіна (3,5%) і Літва (2,8%).
Далей: Расія (2,71%), Азербайджан, Эстонія (па 2,3%), Латвія (2,2%), Узбекістан (2,1%), Арменія (2%), Грузія (1,9%), Кыргызстан (1,8%), Таджыкістан (1,3%). Туркменістан не публікуе звесткі аб дынаміцы спажывецкіх цэн.
За апошні месяц па назапашанай з пачатку года інфляцыі Беларусь апярэдзіла Расію і Эстонію, прапусціла наперад Украіну.
У сакавіку цэны ў Беларусі павялічыліся на 0,76% — шостае месца пасля Украіны (1,5%), Казахстана (1,3%), Грузіі (1,1%), Латвіі і Узбекістана (па 0,9%).
Сакавіцкая інфляцыя ў Польшчы склала 0,2%, з пачатку года — 1,5%.