Здарыўся пажар у машынным аддзяленні дызель-цягніка Орша — Крычаў
26 красавіка, Позірк. Пажар у машынным аддзяленні дызель-цягніка Орша — Крычаў здарыўся 26 красавіка на станцыі Пагодзіна, паведаміла Беларуская чыгунка.
“Задымленне ліквідаванае сіламі лакаматыўнай брыгады. На момант здарэння ў цягніку знаходзілася 260 чалавек. Ніхто з пасажыраў не пацярпеў”, — гаворыцца ў прэс-рэлізе.
БЧ папярэдзіла пра спазненне гэтага цягніка на дзве гадзіны і дызель-цягнікі Крычаў — Орша на паўтары гадзіны.
Па факце інцыдэнту праводзіцца службовае расследаванне.