Базавая інфляцыя ў красавіку склала 6,6% — Нацбанк
13 траўня, Позірк. Базавая інфляцыя (не ўлічвае сезонныя тавары, а таксама тавары і паслугі, што часта мяняюцца ў цане ў кароткатэрміновай перспектыве або рэгулююцца дзяржавай) у красавіку 2025 года склала 6,6% (тут і далей у гадавым выражэнні), вынікае з апублікаванага Нацыянальным банкам агляду інфляцыйных працэсаў.
У сакавіку гэты паказчык быў на ўзроўні 6,1%, лютым — 5,8%.
Рост цэн на плодаагароднінную прадукцыю (сезонныя тавары) у мінулым месяцы склаў 6,8% (+4,7% і +3,6% адпаведна).
Рэгуляваныя дзяржавай цэны і тарыфы выраслі на 6,2% (+5,4%, +5,3%).
Як паведамляў “Позірк”, спажывецкія цэны ў красавіку 2025 года выраслі на 1%, ад пачатку года — на 3,8%, у гадавым вымярэнні — на 6,5%.
