За чатыры месяцы 2025 года прамвытворчасць вырасла на 1,4%, годам раней — на 7,7%
16 траўня, Позірк. Прамысловая вытворчасць у студзені — красавіку 2025 года ў наяўных цэнах склала 68,5 млрд рублёў — на 1,4% больш, чым годам раней, сведчаць даныя Нацыянальнага статыстычнага камітэта.
У горназдабыўной прамысловасці рост склаў 2,8% (месяцам раней — +2,1%); апрацоўчай — 1,5% (+2,5%); у сферы забеспячэння электраэнергіяй, газам, парай, гарачай вадой і кандыцыянаваным паветрам — 0,8% (+0,3%); у абласцях водазабеспячэння, а таксама збору, апрацоўкі і выдалення адкідаў, дзейнасці па ліквідацыі забруджванняў — 0,1% (0).
