Мытнікі прадухілілі вываз у Расію 28 тон сыру
18 траўня, Позірк. Аб прадухіленні вывазу ў Расію буйной партыі сыру паведамляе Дзяржаўны мытны камітэт (ДМК).
Адзначаецца, што тавар вагой 28 тон перавозіўся ў двух грузавых аўтамабілях, яго кошт перавышае 2,5 млн рублёў.
“Факты парушэння заканадаўства ўстанавілі магілёўскія мытнікі пры правядзенні спецыяльных мерапрыемстваў паблізу беларуска-расійскай мяжы”, — гаворыцца ў паведамленні.
Адзін з аўтамабіляў (“Вольва”), як заяўляецца, належыць расійскай кампаніі, у ім перавозілася 19 тон сыру без неабходнай дакументацыі.
9 тон без суправаджальных дакументаў перавозілася ў аўтамабілі MAN, які належыць беларускаму перавозчыку.
“У дачыненні да перавозчыкаў магілёўскай мытняй у адпаведнасці з арт. 13.12 КаАП пачаты адміністрацыйныя працэсы. Згодна з санкцыяй артыкула, ім пагражае штраф у памеры да 50% ад кошту прадметаў адміністрацыйнага правапарушэння”, — адзначылі ў ДМК.
Міліцыя пяты раз ад пачатку года не дазволіла незаконна вывезці з Беларусі ў РФ партыю металу
17 траўня, Позірк. Жыхар Мінска спрабаваў незаконна вывезці ў Расію буйную партыю металу, але быў спынены міліцыяй, вынікае з заявы начальніка аддзела Упраўлення па барацьбе з эканамічнымі злачынствамі (БЭЗ) УУС Віцебскага аблвыканкама Дзмітрыя Бірукова. Паводле слоў міліцэйскага чыноўніка, відэакаментарый якога 17 траўня …