Жыхар Мінска атрымаў смяротную траўму, калі вастрыў нож на самаробным станку — абставіны высвятляе СК

7 жніўня, Позірк. 59-гадовы жыхар Мінска атрымаў смяротную траўму, калі вастрыў нож на самаробным станку ў падвале свайго дома, паведаміла 7 жніўня прэс-служба Следчага камітэта.

Паводле інфармацыі ведамства, у працэсе працы дыск прылады пашкодзіўся. Яго аскепкі трапілі мужчыну ў плячо, пашкодзіўшы артэрыю.

Следчы камітэт звярнуў увагу на тое, што “работы выконваліся ў памяшканні, не прызначаным для эксплуатацыі такога абсталявання”. Абставіны здарэння высвятляе аддзел СК па Цэнтральным раёне сталіцы.