Ад пачатку кастрычніка агонь знішчыў альбо пашкодзіў чатыры адзінкі сельгастэхнікі
9 кастрычніка, Позірк. Ад пачатку кастрычніка на аб’ектах аграпрамысловага комплексу адбылося сем пажараў, у выніку якіх было знішчана альбо пашкоджана чатыры адзінкі тэхнікі, сведчыць праведзены “Позіркам” аналіз зводак Міністэрства па надзвычайных сітуацыях.
У прыватнасці, агонь знішчыў трактар, пашкодзіў буракаўборачны камбайн, лакафарбавае пакрыццё двух прычэпаў-кормараздатчыкаў. Гэтыя выпадкі зафіксаваныя ў Брэсцкай і Гродзенскай абласцях.
За дзевяць месяцаў 2025 года на аб’ектах АПК знішчана або пацярпела 44 адзінкі тэхнікі (у 2024-м — мінімум 73). Такім чынам, ад пачатку году лічба вырасла да 48.
За пяць гадоў у Беларусі істотна зменшылася колькасць асноўных відаў тэхнікі, машын і абсталявання ў сельскагаспадарчых арганізацыях, сведчыць праведзены “Позіркам” аналіз даных Нацыянальнага статыстычнага камітэта.
