Два чалавекі загінулі ў ДТЗ у Крычаўскім раёне

19 кастрычніка, Позірк. Аб смяротным дарожна-транспартным здарэнні ў Крычаўскім раёне (Магілёўская вобласць) паведамляе Міністэрства ўнутраных спраў.

Аварыя адбылася 19 кастрычніка каля 16 гадзін на 15-м кіламетры аўтадарогі Крычаў — Беліца паблізу вёскі Зайцава Слабада.

Паводле папярэдняй інфармацыі, кіроўца аўтамабіля “Фальксваген” не справіўся з кіраваннем, ён “з’ехаў у правы па ходзе руху кювет, дзе здзейсніў наезд на прыдарожныя дрэвы”.

“Аўто загарэлася. Два чалавекі загінулі, іх асобы высвятляюцца”, —  гаворыцца ў паведамленні.

На месцы ДТЗ працуюць супрацоўнікі ДАІ, МНС, следча-аператыўная група.