У студзені — сакавіку аб’ём грузаперавозак знізіўся на 1,5%

16 красавіка, Позірк. Аб’ём грузаперавозак у студзені — сакавіку 2026 года знізіўся на 1,5% (тут і далей у гадавым вымярэнні), паведамляе Нацыянальны статыстычны камітэт.

На працягу апошніх пяці месяцаў 2024 года назіралася запаволенне тэмпаў росту ў гэтым сегменце транспартнай галіны: паводле вынікаў студзеня — жніўня аб’ём вырас на 3,8%, студзеня — верасня — на 2,8%, студзеня — кастрычніка — на 2,3%, студзеня — лістапада — на 1,9%, студзеня — снежня — на 1,5%.

У 2025 годзе аб’ём грузаперавозак знізіўся на 2,6%: у студзені — на 1,6%, студзені — лютым і студзені — сакавіку — на 2,7%, студзені — красавіку — на 3%, студзені — траўні — на 3,4%, студзені — чэрвені — на 3,6%, студзені — ліпені — на 3,8%, студзені — жніўні — на 4%, студзені — верасні — на 3,8%, студзені — кастрычніку — на 3,1%, студзені — лістападзе — на 3%, па выніках года — на 2,6%.

У студзені 2026-га назіралася зніжэнне на 0,5%, у студзені — лютым — на 0,9%.

Пасажыраабарот транспарту (вылічваецца шляхам множання колькасці пасажыраў на адлегласць перавозак) за тры месяцы гэтага года вырас на 9,8% (у студзені — лютым — на 11,1%, у студзені — на 7,1%; па выніках 2025-га — на 7,1%, студзеня — лістапада — на 6,9%, студзеня — кастрычніка — на 6,6%, студзеня — верасня — на 6,5%, студзеня — жніўня — на 6,6%, студзеня — ліпеня — на 6,5%, студзеня — чэрвеня — на 6,7%, студзеня — траўня — на 6,8%).

У Беларусі грузавы абарот транспарту зніжаўся: у 2019 годзе — на 5,8%, 2020-м — на 5,9%, 2021-м — на 3,6%, 2022-м — на 25,4%, 2023-м — на 17,7%, 2024-м — на 2,6%.

Раней аналітыкі Еўразійскага банка развіцця патлумачылі значнае скарачэнне грузавога абароту ў Беларусі “парушэннем транспартна-лагістычных ланцугоў, закрыццём паўднёвай часткі паветранай прасторы Расіі, спыненнем перавозак у зносінах з Украінай”.