У красавіку тэхагляд прайшло на 1,3% транспарту менш, чым годам раней

5 траўня, Позірк. У красавіку 2026 года прадпрыемства “Белтэхагляд” выдала 185.729 дазволаў на допуск транспартнага сродку да ўдзелу ў дарожным руху — на 1,3% менш, чым у красавіку 2025-га (188.222 ).

Як адзначаецца на сайце арганізацыі, фізічным асобам у мінулым месяцы выдадзена 162.316 дазволаў (87,4% агульнай колькасці). Годам раней было 163.140 (86,7%).

На электрамабілі аформлены 2.771 дазвол (1.311; у 2,1 разу больш).

Раней “Позірк” паведамляў, што за 2025 год было выдадзена 1.761.808 дазволаў (1.510.315; +16,7% да 2024-га).

Кантроль наяўнасці дазволу на допуск ажыццяўляецца ў тым ліку ў аўтаматычным рэжыме адмысловымі тэхнічнымі сродкамі, якія маюць функцыі фота- і кіназдымкі, відэазапісу.

Згодна з ч. 4 арт. 18.11 КаАП, для ўласнікаў — фізічных асоб штраф за кіраванне транспартам без тэхагляду можа дасягаць 3 базавых велічынь (135 рублёў), юрыдычных асоб і індывідуальных прадпрымальнікаў — 10 б.в. (450 рублёў).