Беларусь на апошнім месцы на тэрыторыі былога СССР па росце спажывецкіх цэн у траўні, на перадапошнім — з пачатку 2026 года
24 чэрвеня, Позірк. Беларусь з паказчыкам 2,55% заняла перадапошняе 13-е месца на тэрыторыі былога СССР па росце цэн за пяць месяцаў 2026 года, сведчыць праведзены “Позіркам” аналіз даных нацыянальных органаў статыстыкі.
У першай шасцёрцы Украіна (+5,8%), Малдова (+4,86%), Кыргызстан (4,8%), Літва (+4,6%), Грузія (+4,3%) і Казахстан (+4,2%).
Менш, чым у Беларусі, цэны павялічыліся ў Таджыкістане (на 2,5%).
У студзені і студзені — лютым па росце цэн Беларусь была 12-й (0,46% і 1,03% адпаведна), у першым квартале і студзені — красавіку — 13-й (1,62% і 2,47% адпаведна); у траўні — апошняй, 12-й (+0,08%). У Літве цэны знізіліся на 0,1%, у Арменіі — на 0,77%.
Сярэдняя інфляцыя на тэрыторыі былога СССР у траўні 2026 года склала 0,29%. З пачатку гэтага года цэны выраслі ў сярэднім на 3,76%.
Для параўнання: у Польшчы цэны ў траўні знізіліся на 0,3%, з пачатку года — выраслі на 2,3%.
