Урад адмяніў дзяржпадтрымку пры закупцы імпартнага насення

5 траўня, Позірк. Пастанову аб адмене дзяржаўнай падтрымкі пры закупцы імпартнага насення для сельскагаспадарчых патрэб прыняў урад, паведамляе яго прэс-служба.

Дакумент падпісаў прэм’ер-міністр Аляксандр Турчын.

Адзначаецца, што пастанова прадугледжвае “накіраванне бюджэтных сродкаў на закупку насення раслін, якія вырабляюцца (вырашчаных) у Рэспубліцы Беларусь”.

Таксама дзяржпадтрымка магчымая пры закупцы “завозімага насення, насенняводства якога на тэрыторыі рэспублікі па аб’ектыўных прычынах вядзецца ў недастатковых аб’ёмах (насенне люцэрны, кукурузы, агароднінных культур)”.

Звяртаецца ўвага, што дзяржпадтрымка на закупку насення аказваецца ў выглядзе льготных крэдытаў і прамых бюджэтных выплат. Пры гэтым пастановай урада ад 12 студзеня 2026 года № 9 ўстаноўлена “абмежаванне ў частцы прадастаўлення льготных крэдытаў на закупку імпартнага насення”.

Урад нагадвае, што парадак прадастаўлення сельгасарганізацыям субсідый на закупку насення сельскагаспадарчых раслін са сродкаў мясцовых бюджэтаў вызначаны пастановай ад 9 кастрычніка 2014 года №954, “у якое і ўносяцца змены”.

У паведамленні гаворыцца, што ў 2026 годзе на закупку насення прадугледжаныя субсідыі за кошт сродкаў мясцовых бюджэтаў у суме 26,9 млн рублёў.

Гл. таксама:

Рассельгаснагляд не прапусціў у Беларусь саджанцы суніцы, з Беларусі — насенне газоннай травы і корм для сабак (дапоўнена)

У студзені — лютым Расія павялічыла на 20% экспарт сельгаспрадукцыі ў Беларусь