13-гадовы падлетак пацярпеў у ДТЗ у Магілёве

18 траўня, Позірк. Аб дарожна-транспартным здарэнні з удзелам непаўналетняга паведамляе УУС Магілёўскага аблвыканкама.

Аварыя здарылася ў Магілёве 18 траўня каля 15:30.

“71-гадовы кіроўца аўтамабіля “Фальксваген” на скрыжаванні праспекта Дзімітрава і завулка Ураджайнага не саступіў дарогу 13-гадоваму падлетку, які перасякаў праезную частку па пешаходным пераходзе. У сувязі з аварыйным адключэннем святлафор на момант ДТЗ часова не працаваў”, — гаворыцца ў паведамленні.

Пацярпелы падлетак дастаўлены ў бальніцу для абследавання.

Колькасць дарожна-транспартных здарэнняў знізілася ў Беларусі за год на 5,5% (з 3.453 у 2024-м да 3.262 у 2025-м), вынікае з праведзенага “Позіркам” аналізу звестак Нацыянальнага статыстычнага камітэта. Колькасць загінулых у ДТЗ скарацілася на 1,8% (з 434 да 426), траўміраваных — на 8,4% (з 3.804 да 3.483).