На ўзроўні ЕС трэба працягваць палітыку ізаляцыі і санкцый супраць рэжыму Лукашэнкі — кіраўнік МЗС Літвы
12 чэрвеня, Позірк. У Літвы і беларусаў, якія дамагаюцца перамен, агульная мэта — “дэмакратычная і свабодная Беларусь”, заявіў міністр замежных спраў гэтай балтыйскай дзяржавы Кястуціс Будрыс 12 чэрвеня ў Вільнюсе на сустрэчы з прадстаўнікамі беларускіх дэмакратычных сіл, грамадзянскай супольнасці, дыяспары, незалежных СМІ, адукацыйных ініцыятыў, бізнесу і рэлігійных супольнасцяў.
“Цяперашні аўтарытарны рэжым Беларусі нясе пагрозу нацыянальнай бяспецы Літвы, бо краіна з’яўляецца палітычным і ваенным саюзнікам Расіі, якая вядзе агрэсіўную палітыку, — цытуе чыноўніка прэс-служба літоўскага МЗС. — З гэтай прычыны неабходна на ўзроўні ЕС працягваць палітыку непрызнання рэжыму, яго ізаляцыі і санкцыйнага ціску, адначасова ўзмацняючы падтрымку беларускіх дэмакратычных сіл і народа Беларусі”.
Адзначаецца, што кіраўнік знешнепалітычнага ведамства абмеркаваў з удзельнікамі сустрэчы “становішча беларускіх дэмакратычных сіл у Літве” і пацвердзіў “цвёрдую падтрымку” з боку Вільнюса на адрас беларускага народа“.
“Было падкрэслена, што Вільнюс застаецца бяспечнай прасторай для дзейнасці беларускіх супольнасцяў, — гаворыцца ў паведамленні. — У ходзе дыскусіі міністр разгледзеў практычныя пытанні, што ўзнімаюцца беларускімі арганізацыямі, звязаныя з працэдурамі выдачы шэнгенскіх віз, дазволаў на часовае пражыванне ды іншых дакументаў, а таксама з больш паспяховай інтэграцыяй грамадзян Беларусі ў жыццё літоўскага грамадства”.
“Было адзначана, што ўсе рашэнні прымаюцца зыходзячы з нязменнай рашучасці Літвы дапамагаць беларусам, пры адначасовым захаванні нацыянальнага заканадаўства, права Еўрапейскага саюза і патрабаванняў нацыянальнай бяспекі”, — падкрэсліла прэс-служба ведамства.
Заяўлена, што па выніках сустрэчы “дасягнутая дамоўленасць працягваць дыялог і супрацу ў мэтах умацавання беларускай грамадзянскай супольнасці, адукацыйных ініцыятыў і ўстойлівасці да дэзінфармацыі, а таксама іншых агульных пагроз”.
Колькасць беларусаў з дазволам на пражыванне ў Літве апусцілася ніжэй за 49 тыс.
8 чэрвеня, Позірк. Дзейны дазвол на пражыванне ў Літве на 1 чэрвеня 2026 года мела 48.926 грамадзян Беларусі, сведчаць статыстычныя даныя Дэпартамента міграцыі пры Міністэрстве ўнутраных спраў гэтай балтыйскай дзяржавы. Праведзены "Позіркам" аналіз паказаў, што за месяц іх колькасць зменшылася …
У траўні Літва дала статус уцекача 6 грамадзянам Беларусі
10 чэрвеня, Позірк. У траўні 2026 года 6 грамадзянам Беларусі прадастаўлены статус уцекача ў Літве (найбольш верагодна, па хадайніцтвах, пададзеных у 2025-м або раней), сведчаць даныя Дэпартамента міграцыі пры Міністэрстве ўнутраных спраў гэтай балтыйскай дзяржавы. Па трох хадайніцтвах прынятыя адмоўнае рашэнне. З пачатку года …
