Рассельгаснагляд знішчыў 20 тон бельгійскіх груш, прывезеных з Беларусі

24 чэрвеня, Позірк. Аб знішчэнні 20 тон бельгійскіх груш паведаміла Федэральная служба РФ па ветэрынарным і фітасанітарным наглядзе (Рассельгаснагляд).

Аўтамабіль, які перавозіў грушы з тэрыторыі Беларусі, быў спынены ў Пскоўскай вобласці. Адзначаецца, што груз накіроўваўся “ў абыход фітасанітарных пастоў без дакументаў, якія пацвярджаюць яго каранцінны фітасанітарны стан і паходжанне”.

Тавар быў знішчаны па выніках праведзенага адміністрацыйнага працэсу, адзначае ведамства.