Абмежаванні на наведванне лясоў уведзеныя ў чатырох раёнах Гомельскай вобласці

11 ліпеня, Позірк. Абмежаванні на наведванне лясоў уведзеныя 11 ліпеня ў чатырох раёнах на поўдні Беларусі, сведчаць даныя інтэрактыўнай мапы на сайце Міністэрства лясной гаспадаркі.

Гаворка пра Брагінскі, Жыткавіцкі, Лельчыцкі і Хойніцкі раёны Гомельскай вобласці. Рашэнне прынятае ў сувязі з ІІІ класам пажарнай небяспекі (сярэдні ўзровень).

Абмежаванні азначаюць, што ў лясы нельга заязджаць на аўтамабілі і разводзіць там вогнішчы, але даступныя шпацыры і збор ягад ды грыбоў.

У астатніх 114 раёнах Беларусі ў лясы можна хадзіць вольна.