Мінфін абвясціла пра продаж аблігацый на 70 млн рублёў — стаўка вызначыцца на аўкцыёне

11 ліпеня, Позірк. Міністэрства фінансаў 14 ліпеня размесціць на Беларускай валютна-фондавай біржы дзяржаўныя імянныя аблігацыі ў беларускіх рублях.

Паводле інфармацыі ведамства, максімальны аб’ём выпуску № 409 — 70 млн рублёў, кошт адной аблігацыі — 1 тыс. рублёў.

Каштоўныя паперы будуць эмітаваныя на два гады, на працягу якіх плануецца чатыры разы выплаціць працэнтны даход (14 студзеня, 14 ліпеня 2027 года і ў тыя ж даты 2028-га).

“Стаўка працэнтнага даходу ўсталёўваецца на ўвесь тэрмін абарачэння аблігацый у ходзе правядзення аўкцыёну”, — паведаміў Мінфін, адзначыўшы, што перыяд збору заявак у названы дзень — з 10:20 да 12:00, іх прыняцця — з 14:00 да 15:00.

Заяўлена, што датэрміновы выкуп аблігацый магчымы з ініцыятывы ўладальнікаў пры прыняцці Мінфінам адпаведнага рашэння або з ініцыятывы Мінфіна “са згоды ўладальнікаў на падставе рашэння пра датэрміновы выкуп аблігацый”.