17 ліпеня, Позірк. На каштоўныя металы, якія скупляюцца ў фізічных асоб, у вырабах і ломе ўстаноўлены новыя, больш нізкія цэны, якія будуць дзейнічаць да 31 ліпеня, вынікае з пастановы Міністэрства фінансаў № 31 ад 8 ліпеня, апублікаванай 16 ліпеня на Нацыянальным прававым інтэрнэт-партале.
Гэтая пастанова прызнае страціўшым моц аналагічны дакумент ад 18 чэрвеня № 27 “Аб устанаўленні цэн на каштоўныя металы ў вырабах і ломе, якія скупляюцца ў фізічных асобаў”. Устаноўленыя ім цэны павінны былі дзейнічаць да 31 ліпеня, аднак былі змененыя. Раней Мінфін прызнаў страціўшай моц сваю аналагічную пастанову № 25 ад 10 чэрвеня, якая таксама ўстанаўлівала цэны да 31 ліпеня.
Кошт 1 г зубных пратэзаў і іх элементаў з утрыманнем золата 900/750 пробы, зніжаны з 316,55 да 305,86 рубля (-10,69; -3,38%), элементаў здымных зубных пратэзаў са сплаву золата 750-й пробы з плацінай і срэбрам — з 282,07 да 271,96 рубля (-10,11; -3,58%), дэталяў зубных пратэзаў срэбна-паладыевага сплаву — з 24,33 да 23,36 (-0,97; -3,99%).
Цэны на золата ў вырабах і ломе зніжаныя: за 1 г 375-й пробы — са 134,13 да 129,60 рубля (-4,53; -3,38%), 500-й — са 178,84 да 172,80 (-6,04; -3,38%), 583-й і 585-й — з 209,24 да 202,18 (-7,06; -3,37%), 750-й — з 268,26 да 259,20 (-9,06; -3,38%), 900-й — з 321,91 да 311,04 (-10,87; -3,38%), 916-й — з 327,63 да 316,57 (-11,06; -3,38%), 950-й — з 339,80 да 328,32 (11,48; -3,38%), 958-й — з 342,66 да 331,08 (-11,58; -3,38%).
Зменшыўся кошт скупляемых у грамадзян вырабаў і лому з срэбра: 750-й пробы — з 4,31 да 3,83 рубля (-0,48; 11,14%), 800-й — з 4,60 да 4,08 (-0,52; -11,30%), 875-й — з 5,03 да 4,46 (-0,57; -11,33%), 916-й — з 5,27 да 4,67 (-0,60; -11,39%), 925-й — з 5,32 да 4,72 (-0,60; -11,28%), 960-й — з 5,52 да 4,90 (-0,62; -11,23%).
Прыманая плаціна 950-й пробы знізілася ў цане са 140,90 да 130,35 рубля (-10,55; -7,49%).
Сталі танней каштоўныя металы, не ўключаныя ў табліцу 1 дадатку да пастановы (вышэйзгаданыя вырабы і лом без спроб): золата патаннела з 357,68 да 345,60 рубля за 1 г (-12,08; -3,38%), срэбра — з 5,75 да 5,10 (-0,65; -11,30%, плаціна — са 157,65 да 148,32 (-9,33; -5,92%), паладый — з 107,23 да 104,74 (-2,49; -2,32%).
Кошт 1 г сертыфікаванага залатога злітка зніжаны з 373,78 да 364,61 рубля (-9,17; -2,45%), срэбнага — з 5,92 да 5,33 (-0,59; -9,97%).
