Латушка заклікаў краіны ЕС павялічыць падтрымку беларускіх незалежных СМІ
9 жніўня, Позірк. “Рэсурсы, якія выдзяляюцца Еўрапейскім саюзам сёння, недастатковыя для эфектыўнага супрацьдзеяння магутнай прарасійскай прапагандыстскай машыне, [якая] <…> спрабуе ментальна паглынуць беларускае грамадства”, — заявіў намеснік кіраўніка Аб’яднанага пераходнага кабінета (АПК) Павел Латушка на канферэнцыі “Новая Беларусь” 9 жніўня ў Варшаве.
“Каб перамагчы ў гэтай інфармацыйнай вайне, патрэбныя іншыя памеры падтрымкі незалежных медыя і грамадзянскай супольніасці”, — дадаў ён.
Палітык прапанаваў ЕС увесці асобныя санкцыі супраць структур Саюзнай дзяржавы РФ і Беларусі, бо гэта, на яго думку, “прамы расійскі інструмент знішчэння беларускай дзяржаўнасці і паглянання суверэнітэту з наступнай анэксіяй тэрыторыі”.
На сёння ўзрастаюць пагрозы ўцягвання Беларусі ў гарачую фазу вайны Расіі супраць Украіны, лічыць намеснік старшыні АПК.
Палітык заклікаў кіраўніцтва краін ЕС да “больш прынцыповых дзеянняў” у адносінах да Мінска.
“Мы звяртаемся да вас і не стамімся пра гэта казаць: падтрымайце расследаванне беларускай сітуацыі ў Міжнародным крымінальным судзе, звязанага з дэпартацыяй і прымусам да дэпартацыі сотняў тысяч беларусаў, што з’яўляецца злачынствам супраць чалавечнасці”, — сказаў Латушка.
З сакавіка 2025 года “не былі ўведзены аніводныя санкцыі супраць рэжыму за парушэнне правоў чалавека ў Беларусі”, дадаў спікер: “Намі былі высланы адпаведныя запыты ў Еўрапейскую камісію, бо рэпрэсіі <…> не спыняюцца”.
“Мы чуем апошнім часам пазіцыю шэрагу еўрапейскіх дзяржаў, якія проста гавораць пра свае прагматычныя інтарэсы, але не ўспамінаюць рэпрэсіі ўнутры Беларусі, пра транснацыянальны тэрор, які здзяйсняе рэжым [Аляксандра] Лукашэнкі штодня”, — падкрэсліў экс-дыпламат.
Таксама ён адзначыў “галасы з боку шэрагу прадстаўнікоў дэмакратычнага руху, якія прапануюць ЕС ці ЗША проста весці з рэжымам камунікацыю наўпрост”, што з’яўляецца “спробай адмовіць у суб’ектнасці самім беларусам”. Прыкладаў Латушка не прывёў.
Вайскова-палітычнае кіраўніцтва Беларусі будзе прыцягнута да адказнасці за саўдзел у расійскай агрэсіі — Латушка
7 жніўня, Позірк. Вышэйшае вайскова-палітычнае кіраўніцтва Беларусі “будзе прыцягнута да адказнасці за злачынства, ахвярамі якога сталі тысячы ўкраінцаў“. Пра гэта заявіў намеснік кіраўніка Аб’яднанага пераходнага кабінета (АПК), кіраўнік Народнага антыкрызіснага ўпраўлення (НАУ) Павел Латушка, выступаючы 7 жніўня ў Варшаве на мерапрыемстве “Роля …
