Супраца дэмсіл Беларусі з краінамі Азіі і Афрыкі стане паразай для рэжыму Лукашэнкі — Лябедзька

17 студзеня, Позірк. Палітычная прастора для працы дэмакратычных сіл Беларусі і “парадак пытанняў, якія абмяркоўваюцца”, пашыраюцца, такое меркаванне выказаў у “Парламенцкім канале” дарадца Святланы Ціханоўскай па канстытуцыйнай рэформе і парламенцкім супрацоўніцтве Анатоль Лябедзька.
Да адпаведнай высновы ён прыйшоў у сувязі з удзелам дэмлідара ў розных мерапрыемствах Сусветнага эканамічнага форуму у Давосе (Швейцарыя), які праходзіць ў гэтыя дні.
Лябедзька звярнуў увагу на тое, што на другі дзень працы форуму дэмлідара “запрасілі на прыём да генэральнага сакратара Арганізацыі Аб’яднаных Нацыяў, на ўрадавы прыём да ўраду Катару, на нефармальныя сустрэчы з лідарамі краін Афрыкі”. Ціханоўская таксама “сустрэлася з Уільямам Браўдэрам — брытанскім інвэстарам, дырэктарам Hermitage Capital Management і ініцыятарам амэрыканскага “акту Магніцкага”, з прэзыдэнтам Канфэрэнцыі эўрапейскіх рабінаў Пінхасам Гольдшмітам”, адзначыў дарадца палітыка.
“Мы прызвычаіліся, што Святлана Ціханоўская выбудоўвае стасункі, камунікацыі з лідарамі еўраатлантычнай прасторы, — падкрэсліў Лябедзька. — І тут заўважны, відавочны поспех — дэмсілы цалкам выціснулі беларускага правіцеля і яго МЗС з палітычнага каляндара еўрапейскіх краін, ЗША, Канады”.
“Зараз мы фіксуем спробу зайсці на іншыя тэрыторыі, кантыненты і там знайсці палітычных хаўруснікаў. Гэта дакладна не пашкодзіць для больш паспяховай працы ў такіх арганізацыях, як ААН. Ну а калі атрымаецца супраца ў Азіі ці на афрыканскім кантыненце, то гэта і каштоўны досвед, і параза для лукашэнкаўскай дыпламатыі”, — дадаў дарадца дэмлідара.
- Палітыка
- Грамадства, Палітыка
- Грамадства, Палітыка
- Палітыка
- Бяспека, Палітыка
- Палітыка, Эканоміка
- Грамадства, Эканоміка
- Палітыка
- Бяспека, Палітыка
- Бяспека, Палітыка
- Палітыка, ЭканомікаКіраўнік МЗС Літвы не бачыць прычын для перагляду палітыкі ў дачыненні да афіцыйнага МінскаМатэрыял даступны толькі падпісчыкам ПОЗІРК+
- Бяспека, Палітыка
- Бяспека, Палітыка
- Бяспека, Палітыка
- Бяспека, ПалітыкаЦіханоўская заклікала не расцэньваць пазітыўна тое, што рэжым Лукашэнкі паведаміў Польшчы пра дроны, якія ляцяць у яе бокМатэрыял даступны толькі падпісчыкам ПОЗІРК+
- Грамадства
- Грамадства, Палітыка
- Грамадства, ПалітыкаВыезду ў Польшчу ў пункце пропуску Брэст чакае больш за 1,5 тыс. аўтамабіляў і амаль 70 аўтобусаўМатэрыял даступны толькі падпісчыкам ПОЗІРК+
- Эканоміка
- Палітыка