Улады Прымор’я назвалі “вялікай радасцю” чаканае адкрыццё ва Уладзівастоку генконсульства Беларусі
5 красавіка, Позірк. Генеральнае консульства Беларусі плануецца адкрыць у адміністрацыйным цэнтры Прыморскага краю Уладзівастоку, паведамляюць беларускія і расийскія дзяржаўныя СМІ са спасылкай на губернатара гэтага рэгіёну РФ Алега Кажамяку.
Паводле яго слоў, “намер адкрыць тут, ва Уладзівастоку, генеральнае консульства замест аддзялення пасольства” з’яўляецца для ўладаў Прымор’я “вялікай радасцю”, гэта “дадасць магчымасцяў і будзе знакавай падзеяй”.
4 красавіка Кажамяка заявіў, што за апошнія пяць гадоў тавараабарот Прыморскага краю і Беларусі павялічыўся ў 22 разы.
Раней паведамлялася, што не пазней за 1 ліпеня 2024 года ў Растове-на-Доне будзе адкрытае генеральнае консульства Беларусі.
У консульскую акругу ўвойдуць Растоўская і Валгаградская вобласці РФ, а таксама акупаваныя расійскай арміяй тэрыторыі Украіны — так званыя “данецкая народная рэспубліка”, “луганская народная рэспубліка”, Крым і часткі Запарожскай і Херсонскай абласцей.
Анансавалася таксама адкрыццё да 1 студзеня 2024 года аддзялення пасольства Беларусі ў Краснадары — адным з найбуйнейшых гарадоў поўдня Расіі, дзе пражывае больш за мільён чалавек.
Зараз аддзяленні пасольства Беларусі ў РФ працуюць у Казані, Калінінградзе, Краснаярску, Новасібірску, Растове-на-Доне, Смаленску, Уфе, Екацярынбургу, Ніжнім Ноўгарадзе і Уладзівастоку.
30 чэрвеня 2023 года генконсульства Беларусі адкрылася ў Санкт-Пецярбургу.
За пяць гадоў тавараабарот Беларусі і Прымор'я павялічыўся ў 22 разы — губернатар Кажамяка
4 красавіка, Позірк. За апошнія пяць гадоў тавараабарот Прыморскага края РФ і Беларусі павялічыўся ў 22 разы, заявіў 4 красавіка губернатар гэтага рэгіёну Алег Кажамяка на канферэнцыі афіцыйных дылераў і партнёраў Мінскага аўтамабільнага завода ва Уладзівастоку. Паводле яго слоў, палова …
