У Мёрах патанула жанчына — ехала на ровары праз раку і ўпала з моста
13 верасня, Позірк. Пра утапленне ў Мёрах (Віцебская вобласць) жанчыны 1955 года нараджэння, паведамляе Рэспубліканскае таварыства ратавання на водах (ТРВОД).
Адзначаецца, што 12 верасня каля 16:30 яна ехала на ровары па мосце праз раку Мёрыца, аднак “не справілася з кіраваннем і ўпала ў ваду”.
Паводле папярэдніх звестак, загінулая знаходзілася ў стане алкагольнага ап’янення.
У сярэдзіне ліпеня “Позірк” паведамляў, што, паводле даных МНС, за пяць гадоў (2021–2025) у беларускіх вадаёмах патанула 1.984 чалавека, у тым ліку 132 дзіцяці. Асобна ў 2025-м — 282 (12).
У мінулым годзе доля патанулых у афіцыйны купальны сезон (з 1 траўня да 30 верасня) склала 56% (дзяцей — 58%). 59% ахвяр перад утапленнем былі ў стане алкагольнага ап’янення.
