МНС ліквідавала задымленне ў бальніцы пад Мінскам

13 верасня, Позірк. Аб ліквідацыі задымлення ў бальніцы ў Мінскім раёне паведамляе Міністэрства па надзвычайных сітуацыях.

Паводле звестак ведамства, задымленне адбылося ў падвале шасціпавярховага будынка хірургічнага корпуса медустановы ў аграгарадку Лясны.

“Работнікі МНС абследавалі будынак хірургічнага корпуса і ўстанавілі, што здарылася кароткае замыканне столевага свяцільніка без наступнага гарэння”, — гаворыцца ў паведамленні.

Ніхто не пацярпеў, эвакуацыя не праводзілася, адзначае МНС.

На месца выязджалі 11 адзінак ведамаснай тэхнікі.