Касманаўтка Васілеўская павінна вярнуцца ў Мінск 11 красавіка
Марына Васілеўская пасля прызямлення (6 красавіка 2024 года)
10 красавіка, Позірк. Першая ў гісторыі суверэннай Беларусі касманаўтка Марына Васілеўская павінна прыбыць у Мінск 11 красавіка, паведаміў на прэс-канферэнцыі 10 красавіка ў Мінску галоўны навуковы сакратар Нацыянальнай акадэміі навук (НАН) Васіль Гурскі.
“На гэты момант стан яе здароўя знаходзіцца ў норме. <…> Аднаўленне праходзіць у адпаведнасці з адмысловай праграмай. Ніякіх асаблівых адхіленняў няма”, — паведаміў ён.
Паводле слоў прадстаўніка НАН, сёлета Міжнародны дзень касманаўтыкі (12 красавіка) для Беларусі будзе “асабліва ўрачыстым”.
Пасля некалькіх пераносаў запуску, а таксама скасаванага з тэхнічных прычын старту 21 сакавіка Васілеўская адправілася на Міжнародную касмічную станцыю 23 сакавіка — разам з камандзірам экіпажа Алегам Навіцкім (РФ, ураджэнец Беларусі) і астранаўткай НАСА Трэйсі Дайсан (ЗША).
Васілеўская і Навіцкі прабылі на арбіце 14 сутак (з іх 12 на Міжнароднай касмічнай станцыі) і вярнуліся на Зямлю 6 красавіка.
Бортправадніца авіякампаніі “Белавія” Марына Васілеўская была прызначаная членам экспедыцыі наведвання касмічнай станцыі 29 траўня 2023 года. Яе дублёрам стала дзіцячы хірург Анастасія Лянкова. Усяго ад Беларусі на палёт у космас прэтэндавала шэсць жанчын.
З нябёсаў на зямлю. Якую ролю будзе цяпер адыгрываць першая беларуская касманаўтка
Раніцай 6 красавіка на зямлю вярнуўся спушчальны апарат касмічнага карабля "Саюз МС-24 " з беларускай Марынай Васілеўскай, расіянінам беларускага паходжання Алегам Навіцкім і амерыканкай Лорай О'Хара. Першыя двое правялі ў экспедыцыі 14 сутак, амерыканка — 204. Цяпер у былой бортправадніцы …
