У Дзяржынскім раёне згарэў аўтобус, які перавозіў дзяцей

7 траўня, Позірк. Міністэрства па надзвычайных сітуацыях паведаміла аб загаранні 7 траўня пасажырскага аўтобуса, які рухаўся з Пінска (Брэсцкая вобласць) па трасе М1.

Інцыдэнт адбыўся недалёка ад пасёлка Ээнергетыкаў Дзяржынскага раёна (Мінская вобласць).

“У аўтобусе знаходзіліся 48 дзяцей, чатыры суправаджальнікі і кіроўца. Усе пакінулі аўтобус, ніхто не пацярпеў”, — гаворыцца ў паведамленні.

Адзначаецца, што падраздзяленні МНС ліквідавалі пажар.

На відэа, апублікаваным у тэлеграм-канале ведамства, відаць, што аўтобус практычна цалкам згарэў.

Марка аўтобуса і прычыны здарэння не ўдакладняюцца.