Польшча выдаткуе 2,5 млрд долараў на ўмацаванне мяжы з Беларуссю і РФ

18 траўня, Позірк. Урад Польшчы выдзяляе 10 млрд злотых (2,54 млрд долараў) у рамках новай праграмы “Шчыт Усход” на ўмацаванне мяжы з Беларуссю і Расіяй, паведаміў 18 траўня ў Кракаве прэм’ер-міністр Дональд Туск.
“Мы ўжо пачалі працу, каб польская мяжа была бяспечнай у мірны час і непраходнай для ворага — у ваенны, — цытуе кіраўніка ўрада партал Gazeta.pl. — Мы назвалі гэты план нацыянальнай абароны і стрымлівання кодавым імем “Шчыт Усход”. Гэта будзе шчыт, які абароніць нас ад нападаў з усходу, яго галоўная задача — стрымліваць ворага. “Шчыт Усход” — сістэма ўмацаванняў і фартыфікацыйных збудаванняў, мадэрнізацыя 400 кіламетраў мяжы з Расіяй і Беларуссю. Гэта будзе стратэгія адвядзення вайны ад нашых межаў”.
“Мы робім гэта для таго, каб усе тыя, хто зычыць зла Польшчы, хто плануе напад ці агрэсію на нашых саюзнікаў ці на нашу краіну, пачулі тут, з рынкавага пляца Кракава: “Прэч ад Польшчы!” Польшча моцная, Польшча будзе ў бяспецы дзякуючы сваім уласным дзеянням і сваім саюзам”, — дадаў ён.
У сацыяльных сетках Туск адзначыў, што бяспеку дзяржавы забяспечаць “садружнасць Захаду, еўрапейскі купал, які абараняе неба, “Шчыт Усходу” — умацаванне межаў, польская спадарожнікавая праграма на грошы ЕС, добра аснашчаны і навучаны польскі салдат і дзяржава, бязлітасная ў дачыненні да агентаў і дыверсій”.
Міністр абароны Уладзіслаў Касіняк-Камыш, каментуючы праграму “Шчыт Усход”, заявіў, што на ўсёй працягласці мяжы Польшчы з Беларуссю і РФ будуць “пасаджаныя лясы, збудаваныя перашкоды і ўмацаванні”.
14 траўня на фоне ўцёкаў у Беларусь цяпер ужо былога суддзі Томаша Шмыта Туск абвясціў пра выдзяленне 100 млн злотых (25,2 млн долараў) на ўмацаванне Агенцтва ўнутранай бяспекі і Агенцтва выведкі.

Польшча пачала будаваць электронны бар'ер на дзвюх рэках ля беларускай мяжы
- ЭканомікаСума наяўных грошай у абароце ад пачатку года павялічылася амаль на 2 млрд рублёў — НацбанкМатэрыял даступны толькі падпісчыкам ПОЗІРК+
- Палітыка
- Эканоміка
- Эканоміка6% плошчаў паляўнічых угоддзяў знаходзяцца ў бязвыплатным карыстанні Кіраўніцтва справамі прэзідэнта — Мінлясгас (падрабязна)Матэрыял даступны толькі падпісчыкам ПОЗІРК+
- Эканоміка
- ЭканомікаАдмоўнае сальда знешняга гандлю спажывецкімі таварамі за год павялічылася амаль у 8 разоўМатэрыял даступны толькі падпісчыкам ПОЗІРК+
- Палітыка, Эканоміка
- Эканоміка
- ЭканомікаЧыстыя замежныя актывы Нацбанка ад пачатку года выраслі амаль на 9%Матэрыял даступны толькі падпісчыкам ПОЗІРК+
- Грамадства, Палітыка
- Палітыка
- Бяспека, Палітыка
- Грамадства
- Бяспека, Палітыка
- Палітыка
- АнонсыАнонсы падзей на 15 верасня — 15 лістапада 2025 годаМатэрыял даступны толькі падпісчыкам ПОЗІРК+
- Грамадства, Палітыка
- Палітыка
- Эканоміка
- Палітыка, Эканоміка