На развітанні з загінулым прэзідэнтам Раісі Алейнік заявіў, што Іран “з гонарам пройдзе выпрабаванні, якія выпалі на яго долю”
22 траўня, Позірк. “Іранскі народ з гонарам пройдзе выпрабаванні, якія выпалі на яго долю”, — заявіў міністр замежных спраў Беларусі Сяргей Алейнік падчас цырымоніі развітання з загінулымі ў авіякатастрофе прэзідэнтам гэтай краіны Эбрахімам Раісі, кіраўніком знешнепалітычнага ведамства Хасейнам Амірам Абдалахіянам і іншымі чыноўнікамі.
Цырымонія прайшла 22 траўня ў Тэгеране, паведамляе прэс-служба МЗС.
Адзначаецца, што падчас кароткай гутаркі з віцэ-прэзідэнтам Ірана Махсенам Мансуры, намеснікам кіраўніка Адміністрацыі прэзідэнта ў палітычных пытаннях Махамадам Джамшыдзі і выконваючым абавязкі міністра замежных спраў Алі Багеры-Кані Алейнік таксама “выказаў словы салідарнасці”.
Раісі, Амір-Абдалахіян, а таксама губернатар правінцыі Усходні Азербайджан Малек Рахмаці і прадстаўнік Вярхоўнага лідара ў згаданай правінцыі аятала Махамад Алі Але-Хашам загінулі ў выніку крушэння верталёта 19 траўня.
Беларускі МЗС выказаў спачуванне ў сувязі з тым, што адбылося, назваўшы загінулых “сапраўднымі сябрамі Беларусі”. Аляксандр Лукашэнка, рэжым якога апошнім часам актыўна наладжваў сувязі з іранскім кіраўніцтвам, у сваім спачуванні адзначыў, што назаўжды захавае “самыя цёплыя ўспаміны аб сустрэчах і размовах са спадаром прэзідэнтам, які быў сапраўдным сябрам Беларусі і шмат клапаціўся аб развіцці беларуска-іранскага супрацоўніцтва”.
На развітанні з прэзідэнтам Ірана Раісі мінімум 13 краін прадстаўлена вышэй за Беларусь
22 траўня, Позірк. Міністр замежных спраў Сяргей Алейнік прыбыў у Тэгеран на цырымонію развітання з загінулымі ў авіякатастрофе прэзідэнтам Ірана Эбрахімам Раісі, міністрам замежных спраў Хасейнам Амір-Абдалахіянам і іншымі чыноўнікамі, паведаміў 22 траўня неафіцыйны тэлеграм-канала МЗС Беларусі. Нягледзячы на шчыльную беларуска-іранскую супрацу, …