Страхавыя арганізацыі за чатыры месяцы сабралі на 18% больш узносаў, чым год таму

6 чэрвеня, Позірк. У студзені — красавіку 2024 года страхавым арганізацыям, якія працуюць у Беларусі, паступіла агулам 843,73 млн рублёў у выглядзе ўнёскаў у прамым страхаванні і сустрахаванні — на 18,4% больш, чым за тыя ж месяцы 2022-га (712,7 млн).

Прэс-служба Міністэрства фінансаў паведамляе, што па добраахвотных відах страхавання сабрана 584,56 млн рублёў (494,2 млн; +18,3%), па абавязковых відах — 259,17 млн (218,5 млн; +18,6%).

Выплаты страхавой кампенсацыі і страхавога забеспячэння склалі 466,84 млн рублёў (428,9 млн; +8,8%).

Удзельная вага добраахвотных відаў страхавання ў агульнай суме страхавых узносаў склала 69,3% (за 12 месяцаў паказчык не змяніўся).

Намінальная налічаная сярэдняя заработная плата прадстаўнікоў сферы фінансаў і страхавання ў красавіку склала 3.803,8 рубля (у красавіку 2023-га — 3.131,8 рубля), што на 74,3% больш, чым сярэдняя па Беларусі (2.182,5).