Коўшык: Постаць Васіля Быкава яднае беларускі народ
19 чэрвеня, Позірк. Народны пісьменнік Васіль Быкаў “быў і застаецца сумленнем беларускай нацыі”, заявіла прадстаўніца Аб’яднанага пераходнага кабінета (АПК) па нацыянальным адраджэнні Аліна Коўшык 19 чэрвеня з нагоды 100-годдзя з дня нараджэння літаратара.
Паводле яе слоў, якія прыводзіць прэс-служба АПК, “і ў часы СССР, і пасля прыходу да ўлады [Аляксандра] Лукашэнкі Быкаў ставіў пад пытанне афіцыйныя наратывы”.
Коўшык падкрэсліла, што Быкаў — “адзін з найвялікшых пісьменнікаў Беларусі і сусветнай літаратуры”, які даўно стаў для беларусаў “сімвалам праўды і чалавечнасці”.
“У яго творах – няпросты чалавечы лёс, маральны выбар, рэаліі вайны, — адзначыла яна. — Сёння мы зусім па-новаму чытаем “Жураўліны крык”, “Альпійскую баладу” і “Знак бяды”. Творы Быкава былі перакладзены на 23 мовы. Мы абіраем чытаць іх па-беларуску. Бо незалежнасць Беларусі і захаванне беларускай мовы мелі для Быкава асаблівае значэнне”.
Прадстаўніца АПК заклікала кожнага суайчынніка “далучыцца сёння да святкавання 100-годдзя пісьменніка”. “Наведайце імпрэзу, зладзьце чытанні, апублікуйце пост. Мы адзіны народ, бо, сярод іншага, нас яднае і постаць Васіля Быкава”, — заявіла яна.
Лішні чалавек. Чаму Васілю Быкаву няма месца ў сённяшняй Беларусі
Вялікага пісьменніка не ацэняць на радзіме па-сапраўднаму, пакуль ва ўладзе застаецца прыхільнік яго "вершаў". 100 гадоў таму ў вёсцы Бычкі Ушацкага раёна нарадзіўся Васіль Быкаў. Літаратурны геній і чалавек незвычайнага лёсу. У СССР ён быў класікам і народным пісьменнікам, на …
