Ліквідуюцца яшчэ чатыры спартыўныя арганізацыі
30 чэрвеня, Позірк. Пазовы аб ліквідацыі чатырох спартыўных грамадскіх арганізацый пададзеныя органамі юстыцыі ў судовыя інстанцыі, вынікае з рапісання пасяджэнняў на партале электроннага судаводства.
10 ліпеня Мінскі абласны суд разгледзіць заявы Галоўнага ўпраўлення юстыцыі Мінаблвыканкама аб ліквідацыі футбольных клубаў “Нёман-Агра” і “Забудова-ХХІ стагоддзе”.
Клубы былі заснаваныя адпаведна ў 2013 і 2012 гадах у Стоўбцах і Маладзечанскім раёне. Удзельнічалі ў ніжэйшых дывізіёнах чэмпіянату Беларусі.
Гэты ж суд 12 ліпеня разгледзіць пазоў Міністэрства юстыцыі аб ліквідацыі грамадскага аб’яднання “Беларуская федэрацыя паўэрліфтынгу”.
Арганізацыя заснаваная ў 1994 годзе для развіцця і папулярызацыі віду спорту.
Сутнасць паўэрліфтынгу заключаецца ў працы атлетаў са снарадамі цяжкай вагі, у асноўным са штангай.
10 ліпеня ў Віцебскім абласным судзе будзе разгледжаная заява Мінюста аб ліквідацыі грамадскага аб’яднання “Беларуская федэрацыя спорту чанбара”.
Федэрацыя заснаваная ў 2016 годзе з мэтай “аб’яднання намаганняў для ўдасканалення і далейшага развіцця спорту чанбара ў Беларусі, яго папулярызацыі сярод насельніцтва”.
Чанбара — японскі від спорту, паўстаў у другой палове 20 стагоддзя на базе спаборніцтваў самураяў. Уяўляе сабой поўнакантактнае фехтаванне на нетраўматычных імітацыях халоднай зброі.
Падрабязнасці даступныя падпісчыкам “Позірк+”
