Праваабаронцы пацвярджаюць вызваленне дзевяці палітвязняў
Акцыя салідарнасці з беларускімі палітвязнямі ў Варшаве 19 траўня
4 ліпеня, Позірк. “Дакладна вядома пра дзевяць палітвязняў, якія ўчора выйшлі на волю па амністыі”, паведамляе праваабарончы цэнтр “Вясна”.
У астатнім рэліз цалкам паўтарае аналагічны, апублікаваны сёння двума гадзінамі раней, калі паведамлялася пра сем вызваленых.
Узгадваецца выхад на свабоду анкахворага палітыка Рыгора Кастусёва, пра які стала вядома напярэдадні. Імёны тых, хто вызваліўся, не называюцца “дзеля бяспекі вязняў”.
Удакладняецца, што гэта тры жанчыны і шэсць мужчын.
Паводле інфармацыі “Позірку”, сярод іх ёсць маці чатырох непаўналетніх дзяцей.
2 ліпеня Аляксандр Лукашэнка анансаваў вызваленне цяжкахворых апанентаў улады. У той жа дзень ён падпісаў закон аб амністыі з нагоды 80-годдзя вызвалення Беларусі, які аднак, паводле зместу, не распаўсюджваецца на асоб з “экстрэмісцкіх спісаў”.
На фоне гэтай заявы беларускі дэмакратычны лідар Святлана Ціханоўская заклікала безумоўна вызваліць больш за 200 палітвязняў, якія знаходзяцца ў крытычным стане.
На 3 ліпеня было дакладна вядома пра пяці палітвязняў (дзве жанчыны, трое мужчын), якія выйшлі на волю па амністыі. Адзін з іх — Кастусёў.
