У Мінскай вобласці затрымана 19 падазраваных у дастаўцы тэлефонным махлярам сродкаў падманутых грамадзян

3 кастрычніка, Позірк. Дзейнасць “кур’ераў тэлефонных махляроў” спынілі супрацоўнікі ўпраўлення Следчага камітэта па Мінскай вобласці і ўпраўлення па супрацьдзеянні кіберзлачыннасці УУС Мінаблвыканкама, паведаміла 3 кастрычніка прэс-служба СК.

Паводле інфармацыі ведамства, пры сілавой падтрымцы спецпадраздзяленняў МУС затрымана 19 чалавек, сямёра з іх узятыя пад варту.

Заяўляецца, што фігуранты “забіралі грошы са схованак-закладак, пакінутых пацярпелымі на ўказанне зламыснікаў”.

“Атрыманыя сродкі канвертаваліся ў крыптавалюту і пераводзіліся на электронныя гаманцы арганізатараў схемы, — гаворыцца ў паведамленні. — Следчыя праводзяць неабходныя працэсуальныя дзеянні, высвятляюць усе акалічнасці супрацьпраўнай дзейнасці, колькасць пацярпелых, памер нанесенай шкоды ды іншых асоб, датычных да злачыннай схемы”.

У сваю чаргу прэс-служба МУС заявіла, што менавіта гэтыя людзі, забіраючы са схованак-закладак грошы, пакінутыя ахвярамі тэлефонных махляроў, пасля канвертавалі сродкі ў крыптавалюту і пераводзілі на гаманцы наймальнікаў.

Міністэрства практычна штодня паведамляе пра сотні званкоў тэлефонных махляроў, якія паступаюць грамадзянам Беларусі.

Грамадства

Грамадства

Выстаўленае абвінавачанне 28 фігурантам справы махлярскага кол-цэнтра

24 верасня, Позірк. 28 фігурантам справы махлярскага кол-цэнтра выстаўленае абвінавачанне паводле ч. 4 арт. 209 КК (махлярства, здзейсненае арганізаванай групай у асабліва буйным памеры), паведаміла 24 верасня прэс-служба Следчага камітэта. Гаворка пра цэнтр, дзейнасць якога была спыненая ў красавіку 2026 …

Чытаць