Ад наступстваў ветру загінула дзяўчына, паранена шэсць чалавек — Міністэрства аховы здароўя

13 ліпеня, Позірк. Адзін чалавек загінуў і шэсць атрымалі раненні ў выніку непагадзі ўвечары 13 ліпеня, паведаміла Міністэрства аховы здароўя.

Ад падзення дрэва на Цнянскім вадасховішчы загінула дзяўчына, двое пацярпелых дастаўлены ў Мінскую абласную бальніцу і Рэспубліканскі навукова-практычны цэнтр траўматалогіі і артапедыі.

У Ждановічах таксама ад падзення дрэва пацярпела дзіця. Ён шпіталізаваны ў РНПЦ неўралогіі і нейрахірургіі.

У цэнтры Мінска з-за падзення шкла па прычыне парыву ветру каля завода “Гарызонт” пацярпелі 24-гадовы малады чалавек і падлетак. Яны шпіталізаваныя ў бальніцу хуткай медыцынскай дапамогі (БХМД) і 3-ю бальніцу.

Акрамя таго, у выніку парывістага ветру ў сталіцы ўпала цагляная сцяна. Пацярпелы, малады чалавек, шпіталізаваны ў БХМД. У яго дыягнаставаны спалучаныя траўмы: чэрапна-мазгавая траўма сярэдняй ступені, закрытая траўма грудной клеткі, траўма жывата, пераломы костак.

Паводле інфармацыі прадпрыемства “Мінсктранс”, праз неспрыяльныя ўмовы надвор’я спыняўся рух пяці трамвайных і пяці тралейбусных маршрутаў. Рух трамваяў №№ 1, 5, 6 з боку вул. Сядых спыняўся двойчы. Паміж пачаткам руху пасля ліквідацыі аварыі і прыпыненнем з-за новай прайшло восем хвілін.

Гл. таксама па тэме:

З-за непагадзі было парушана энергазабеспячэнне больш чым у 450 населеных пунктах