За тыдзень у Беларусь уехала 3.342 грамадзяніна Украіны — Дзяржпагранкамітэт

19 ліпеня, Позірк. За мінулы тыдзень (з 6:00 12 ліпеня па 6:00 19 ліпеня) у Беларусь заехала 3.342 грамадзяніна Украіны (за папярэднія сем дзён — 3.194), паведамляе Дзяржаўны памежны камітэт.

Транзітам праз Польшчу прайшло 2.690 (2.568), Літву — 559 (580), Латвію — 93 (44).

З пачатку года ў Беларусь заехала 73.408 грамадзян Украіны: з тэрыторыі Украіны — 32, транзітам праз Польшчу — 57.975, Літву — 14.396, Латвію — 1.005.

Усяго з 24 лютага 2022 года ў Беларусь прыбыло 219.900 грамадзян Украіны: праз украінска-беларускую мяжу — 15.950, транзітам праз Польшчу — 155.763, Літву — 42.646, Латвію — 5.541.

“Дзяржпагранкамітэт Беларусі займаецца несумленнай падачай лічбаў і чыстай вады маніпуляцыяй”, — заявіў у інтэрв’ю “Позірку” ў лютым гэтага года пасол па асаблівых даручэннях МЗС Украіны па Беларусі Ігар Кізім. Паводле яго слоў, гаворку трэба весці аб звычайных паездках грамадзян Украіны ў Беларусь.

Дыпламат адзначыў, што ў адкрытых крыніцах звестак аб колькасці ўкраінцаў, якія выехалі з Беларусі, не знайсці. “Сумленным і прыстойным з боку ДПК было б даваць гэтую статыстыку”, — лічыць ён.

“Насамрэч гаворка ідзе не пра транзітных уцекачоў ці людзей, якія заехалі ў Беларусь, каб папрасіць прытулак. Гэта, як і раней, простыя паездкі ўкраінскіх грамадзян”, — адзначыў Кізім.