Мінздароўя выправіла колькасць народжаных у Дзень незалежнасці

5 ліпеня, Позірк. Міністэрства аховы здароўя выправіла колькасць народжаных у Дзень незалежнасці 3 ліпеня — магчыма, пасля публікацыі “Позірку”, дзе паказвалася на несупадзенне названай агульнай лічбы (158 — ідэнтычная леташняй) з сумай па рэгіёнах і Мінску (173).

У тэлеграм-канале ведамства 158 было выпраўлена на 173 і з’явілася прыпіска “Паводле ўдакладненых даных“. Пры гэтым пасля яе стаіць двукроп’е, з чаго павінна вынікаць, што скарэктаваная статыстыка па рэгіёнах (гл. скрыншоты). Аднак насамрэч у гэтую статыстыку не ўнесена ніякіх зменаў.

Пасля Міністэрства аховы здароўя агульную лічбу выправілі і дзяржСМІ.

Засталося розначытанне ў статыстыцы за 3 ліпеня 2023 года. На наступны дзень ведамства паведаміла, што на свет з’явілася 121 дзіця, але праз год ведамства заявіла, што 158 нованароджаных — гэта на 40 больш, чым годам раней, г. зн. 118.