У Бераставіцкім раёне два чалавекі загінулі ў аўтааварыі
5 ліпеня, Позірк. Аб смяротным дарожна-транспартным здарэнні ў Бераставіцкім раёне (Гродзенская вобласць) паведамляе прэс-служба Міністэрства ўнутраных спраў.
Адзначаецца, што ДТЗ адбылося 4 ліпеня каля 22 гадзін каля вёскі Масаляны. Паводле папярэдняй інфармацыі, 38-гадовы кіроўца “Фальксвагена” “не справіўся з кіраваннем, з’ехаў у левы па ходзе руху кювет, пасля чаго аўтамабіль перакуліўся ў меліярацыйны канал”.
Кіроўца і 35-гадовы пасажыр загінулі.
На месцы здарэння працавалі супрацоўнікі Дзяржаўтаінспекцыі і следча-аператыўная група.
На фоне высокай смяротнасці на дарогах ДАІ пераведзена на ўзмоцнены рэжым нясення службы з выкарыстаннем БПЛА
13 чэрвеня, Позірк. На ўзмоцнены варыянт нясення службы пераведзены асабовы склад Дзяржаўтаінспекцыі, паведамляе прэс-служба Міністэрства ўнутраных спраў. Падставай названая "складаная дарожная абстаноўка". "Толькі за мінулую суботу ў ДТЗ загінулі дзевяць чалавек", — гаворыцца ў паведамленні. Адзначаецца, што для забеспячэння бяспекі …
